شدة..ضيق..قلق..حزن..توهان...قضم أظافر...وأكثر و أكثر....
هذه بإختصار حالتنا الآن....... وده كله بسببها....
الإمتحانات... طبعاً
مش عارفين نذاكر إيه و لا إيه...... أظن إنهم 9 مواد.....
مش مشكلة المذاكرة...
المشكلة هية الكتب اللى مش عاوزة تتفهم....كلام مكتوب جنب بعضه وخلاص.... واحفظ بقى..
** أما الآن فننتقل إلى بث مباشر...من غرفة عاشقة فلسطين*... حيث نرى:
*جدران الغرفة كلها ورق... أشعار وقصائد وخطب ورسائل (مطلوب حفظها)
*كان يوجد بالغرفة سبورة أيضاً......( وطبعاً هربت من الكلام اللى بيتكتب عليها..)
*الكتب منتشرة فى كل مكان...(طبعاً مش كلها كتب مذاكرة لأن القراءة والكتابة بتحلى أيام الأزمات والشدائد)
*نلاحظ أيضاً إنتشار مجات الشاى فى كل مكان.... 
*و حالة من التوتر والإكتئاب تسود الأجواء.........
مع وجود ما يشبه العزلة عن الأهل....
** وتنتقل كاميرتنا الآن إلى غرفة عاشقة الشهادة... ونرى..
*جدول المذاكرة خلف الباب كلما تراه تعطيه ظهرها وتقول:( يا نهار أبيض ده كله عاوز مذاكرة, باقى 20يوم على الإمتحانات والمدة...
*تقل
وتقل
وتقل......
*تحرك قليلاً حيث المكتب لتجد الكتب متراصة على بعضها البعض وبجوارها الأقلام والأوراق وكلما تريد أن تذاكر تقول:(من أين أبدأ و أين أنتهى...) وفى النهاية تترك هذا كله وتقول:(حان وقت النوم.....غداً نبدأ المسيرة...) وهكذا كل يوم.
#وردنا الآن نبأ عاجل:
حدوث إتصال تليفونى بين عاشقة فلسطين و عاشقة الشهادة ..بهدف إنقاذ الوضع المتدهور و الإتفاق على بدء المذاكرة معاً....
و فى النهاية نقول: 
بجد محتااااااجييين دعائكم.....بشدة بشدة بشدة
ساعدونا و لا تبخلوا علينا بالدعاء...
شايفين الصورة اللى فى الموضوع دى...... والله حالنا أصعب منها...
ساعدونا.....ساندونا......كونوا معنا....
بدعائكم
الأختان: عاشقة الشهادة وعاشقة فلسطين.
هناك 29 تعليقًا:
اللهم يسر أمرهم وألهمهم رشدهم وللمذاكرة اشرح صدورهم دول غليين وبحبهم
رغم جمال التدوينة ..
أعانكما الله ووفقكما ويسر لكما أموركما
---
كلنا لها !!
اعانكم الله
انتم لها
لا تنظروا خلفكم وتقتلوا انفسكم ندما
وايضا لا تنظروا للكم الهائل المطلوب انجازه فتحبطوا
لكن ابدءوا واستغلوا ما لديكم من وقت وجهد ومع الإستعانة بالله وشوية تنظيم كله ها يكون تمام
ثم تعالوا هنا هو مش دا الحال كل سنة
يعنى نفس الظروف مريتم بها من قبل وعدت
والحمدلله
ربنا معاكم
طريقة عرض التدوينة رائعة وجديدة
وفقكم الله
نجحكم الله
عاوزين أعلى التقديرات
وأعلى الدرجات
رفع الله درجاتكم فى الدنيا والاخرة
يااااه
الامتحنات بتعمل بوستات جمييله كده
يبقى الامتحنات بقى ليها فايده اهو
.....
وفقكم الله
واعانكم الله
ربنا معكما
*الكتب منتشرة فى كل مكان...(طبعاً مش كلها كتب مذاكرة لأن القراءة والكتابة بتحلى أيام الأزمات والشدائد)
ده مش انا بس بقى
انا عندي استعداد اخلص مجلدات ايام الامتحانات
خصوصا اننا بنمتحن في السنه 4 لشهر
..........
تدوينه رائعة فعلا
ربنا يوفقكم ان شاء الله
يسر الله لكم الأمور وجعل الامتحانات بردا وسلاما على قلوبكم
دمتم بخير
أختى الحبيبة أم عمر
اللهم آمين ادعيلنا كتييييير
إنا نحبك فى الله وأنت طبعا غالية علينا جدا
.............
أخى خبيب
جزاكم الله خيرا على الدعاء
ويارب تجعل مدونتنا دائما عند حسن ظنكم
..................
الدكتورة أميمة
جزاكم الله خيرا على المشاركة وهذه الوصايا الرائعة
أكثرى من الدعاء لنا
أما عن أنه حالنا كل عام فهذا هو حال أختى الحبيبة عاشقة فلسطين أدعو من الله أن يوفقها لكل خير وطبعا ديما ربنا بيكون معاها وبتجيب تقدير كويس أما عنى فهذه أول مرة وربنا يستر..
ويارب تعجب حضرتك ديما
.....................
أخى الشاعر
جزاكم الله خيرا على الدعاء
اللهم ارفع درجاتنا فى الدنيا وفى الآخرة
...................
أخى شخص مجهول الهوية
جزاكم الله خيرا على الدعاء
وطبعا وكما هو معروف فى الأزمات تظهر الإبداعات
..................
أخىxezo
جزاك الله خيرا
اطمئن يا أخى فهذه حالنا فى الأمتحانات
تحلو القراءة والكتابة ونكتشف المواهب
...............
أخى مش عارف
جزاكم الله خيرا على الدعاء
..................
فى النهاية نقول لكم اجتهدوا فى الدعاء لنا
وطبعا احنا بنطمئنكم أننا نصر على التفوق لأن المسلم هدفه دائما أن يكون متميزا كما قال رسول الله صلى الله عليه و سلم :اطلبوا الفردوس الأعلى من الجنة.
اسال الله ان يوفقك في دراستك
ادعوك لزياة مدونتي
واتمني التواصل الدائم بيننا
ربنا يعينكم وييسرلكم حالكم
وتذاكروا ان شاء الله بس انتو ابداوا وهتلاقوا المذاكرة شغاله لوحدها
ربنا يفتح بينكم وبين المذاكرة بالحق
عاشقة فلسطين تتشرف بالرد عليكم:
(الأخ إبراهيم):
اللهم آمييييييين.
مدونة حضرتك جميلة وإن شاء الله هنكون من زوارها.
""""""""""""""""""
حبيبتى(بنت مصر):
اللهم آمييييين, أدعيلنا على طووووول.
إيه التغيير الجميل ده اللى حصل فى مدونتك . انتظرينا.
""""""""""""""""""
ملحوظة صغيرةعشان **عاشقة الشهادة**:
زى ما هيه بتقول عنى(فى التعليق السابق) أيام الإمتحانات بتكون صعبة جداااا عندى لأنى مش بذاكر من أول السنة, أما عاشقة الشهادة فبتجيب كل سنة إما إمتياز أو جيد جدا
أما السنة دى فحصل لها حاجة (طبعاً حاجة حلوةههههه) مش هقولكوا ايه هيه عشان متضربنيش, والحاجة دى هيه اللى شغلتها عن المذاكرة جامد , عشان كده ادعولها كتييييير جداااااا
يااااااااااه هى المذاكره بتعمل كل ده
ربنا يسترها معانا ومعاكم
عشان الحكايه بقت مطمنش
والامتحانات خلاص على الابواب
ورغم كل ده ان شاء الله هنتفوق
نحصل على اعلى المراااااتب!!!!
ربنا معاكم
أنا عمالة أفكر وفكر وفكر يا ترى ايه اللى شغل عاشقة الشهادة إلى تلك الدرجة ؟
على العموم ربنا يوفقكم فى المذاكرة وتجيبوا تقديرات عالية.
ربنا معاكم
أنا عمالة أفكر وفكر وفكر يا ترى ايه اللى شغل عاشقة الشهادة إلى تلك الدرجة ؟
على العموم ربنا يوفقكم فى المذاكرة وتجيبوا تقديرات عالية.
العاشقتين...
أعانكما الله وسدد خطاكم..
وبارك الله فى أوقاتكم
بالتوفيق..
الامتحان
انا بصراحة بكره هذه الكلمة
بس برضة يصراحه لولا الامتحان انا عن نفسي مش هذاكر
وفقكم الله
اعانكم الله ووفقكم ..
وان شاء الله ستتخطون هذه المرحله بتفوق
وسوف ياتى يوم تتذكرون فتره الدراسه هذه
وضغط الامتحانات
وسوف تحنون لها
تمنياتنا بالتوفيق والنجاح ان شاء الله
والله كلنا يا اختي علي نفس الحال
وبخاصه اني في ثانويه عامه
انا وصل القلق بيه الي اني بقيت باشرب حوالي 13مج شاي في اليوم ده غير 3قهوه بالليل
انا عمري ما كنت مدمن شاي غير اليومين دول
والله يا جماعه كلنا محتاجين الدعاء
ربنا يعينكم
وأقول للأخ ابراهيم
هو ده وقته يا أخي
روعة تحفة جميلة بجد :}
ربنا ييسر لكم مذاكرتكم وتحققوا كل ما تتمنوا وأكتر وربنا يرضيكم بالخير كله ..بس يا عاشقة الشهادة صحبتك كده فتنت عليكى خلاص :}:} نقول مبروك هههههههههههههههههههههههههههههههه
بحبكم يا حبيبتاى في الله وهستني تعليق عن كل تدوينة هكتبها بعد ما تخلصوا امتحاناتكم ومافيش أعذار ..متفقين
دمتما بكل خير
الأخ(أوعى تفكر):
جزاكم الله خيراً على المرور الطيب. وربنا يسترها معانا جميعا والسنة تعدى على خير.
""""""""""""""""""""""
سمية:
انا اول ما قرأت تعليقك عرفت مين انتى, روحى ذاكرى يا سمية عشان تجيبى مجموع حلو وكبير.
ملحوظة:
سمية تبقى اخت عاشقة الشهادة الصغيرة..فقط للتوضيح.
"""""""""""""""""""""
نارا:
جزاكى الله خيرا على مرورك العطر, دعواتك لنا. نورتى المدونة.
"""""""""""""""""""""
الأخ(اخوانى وبحب بلادى):
جزاكم الله خيراً على المرور الطيب,ربنا يوفقنا جميعاً.
"""""""""""""""""""""
الأخ(جاسر):
جزاكم الله خيراً على المرور الطيب,اللهم آميييييين, دعواتكم لنا,سنحن فعلاً لأيام الدراسة كثيراً ولكننا لن نحن أبدااااا للإمتحانات وقلقها.
""""""""""""""""""""
الأخ (عمرو):
جزاكم الله خيراً على المرور. لكن حضرتك فى الثانوية العامة يبقى اول حاجة لازم تعملها ان تؤجل النت الى الاجازة,وكمان المنبهات ضرر ياريت متتعودش على القهوة لانها كارثة, الشاى بقى مقدرش اقول حاجة عليه لانى شبه مدمناه.
وفقك الله وان شاء الله تجيب مجموع عالى قوى.
"""""""""""""""""""
دكتور:إيهاب:
جزاكم الله خيرا على المرور الطيب, حضرتك نورت المدونة, اللهم آميييييين
دعواتكم لنا كتيييييير.
"""""""""""""""""""
خديجة:
منورة المدونة خالص,وبجد انا وعاشقة الشهادة بنحبك جدااااااافى الله,اللهم آميييييييين, أفتن كمان يعنى ....ماشى: ان شاء الله فرح عاشقة الشهادة فى الاجازة.
واعتبروا نفسكم كلكم يا جماعة معزومين هههههههههه.
""""""""""""""""""""""""
اعذرونا يا جماعة الفترة دى مش هنقدر ندخل مدونات علشان خاطرالامتحانات.
بس هنخلص امتحانات 3/6بإذن الله. دعواتكم لنا.
السلام عليكم
ربن يوفقكم فى أموركم
وإن شاء الله تعدى بردا وسلاما
وترجعولنا بالسلامة علشان تركزوا فى التدوين
حبيبتاي
وفقكما الله
ربنا معاكوا
ايه خفة الدم دي كلها ، ده شكل ناس عندهم امتحانات
ربنا يكرمكم ويبارك في وقتكم يارب
دعوواتكم لنا .. ربنا يوفقكم
اللهم إنفع بها الإسلام وإهدها لم ترضاه لها
ربنا يعينكم
شاركونا
feenhaky.blogspot.com
السلام عليكن
بداية طيبة ، في بوست رااائع
ده بقي اللي ممكن نسميه اطباع الدراسة علي أصحابها
علي حد علمي ده من دراسات كلية التربية في علوم النفس و العلوم التربوية ..
..........
ثانيا
المذاكرة شئ جمييييل لو احنا اتعاملنا معاها بشئ من الراحة النفسية " شوية صحة نفسية " بمعني أنا حاجة مش عاوزة أذاكرها لا أذاكرها
وحاجة تانية بأحبها أذاكرها
**********
اناكنت بأعمل كده وساعات يعني كنت باطنش
بس دي مش نصيحة
علي العموم وفقكم الله وسدد قلمكم
ويسر لكم
اللهم آمين
(الأخ:عمر المصرى):
جزاكم الله خيراً على المرور.اللهم آمييييييييين,دعواتكم لنا.
"""""""""""""""""""""
**نور**:
نورتينا يا قمر,دعواتك لنا كتير, خفة دم ايه بس( من بعض ما عندكم)؟؟؟؟؟ربنا يكرمك ويبارك فيكى
"""""""""""""""""""""
(الأخ: العسكرى عتريس):
ربنا يوفقنا جميعاً, والسنة دى تعدى على خير,,اللهم آميييييييييين.
"""""""""""""""""""""
(الأخ:إبراهيم جمال):
اللهم آميييييين. جزاكم الله خيراً على المرور.
"""""""""""""""""""""
(الأخ:صريح أوى):
وعليكم السلام,فعلاً المذاكرة بتعمل حاجات كتيييييير طبعاً مش كلها حلوة,
الحاجة اللى مش عاوزة اذاكرها مش هذاكرها...بس فى الاخر هشيلها وفى النهاية برده هذاكرها.
اللهم آمييييييين وجزاكم الله خيراً على المرور.
ايه الابداعات دى
فعلا رائعة
ربنا معاكم ومعانا
بس يابختكوا هتخلصوا قبلنا بكتير
ربنا ييسر الامور
مش تنسونى من دعواتكم
ربنا معاكم
إرسال تعليق